Нийгэм

Эрээн боомтоос 49 чингэлэг бүхий 1000 гаруй тонн ачааг хил нэвтрүүллээ

Замын-Үүд-Эрээн боомтын ажил жигдэрч, өнөөдрийн байдлаар 49 чингэлэг бүхий 1000 гаруй тонн ачаа барааг Эрээний боомтоос татан авсны дотор хүнс болон бусад бараа бүтээгдэхүүн байна. 

Эрээний боомт

Цар тахлын үед хилийн боомтын үйл ажиллагааг хэвийн явуулах, экспорт, импортын ачаа тээврийг эрчимжүүлэх үүрэг бүхий Шадар сайдаар ахлуулсан Ажлын баг өчигдөр Замын-Үүд боомтод ажиллаж, тодорхой зохион байгуулалтуудыг газар дээр нь хийгээд ирсэн. Шадар сайд өчигдөр газар дээр нь ажиллах үедээ чингэлэг тээврийн ажлыг халдвар хамгааллын нарийн чанд дэглэмийн дор эхлүүлж, “0” цэгээс 26 чингэлэг ачаа барааг хилээр оруулж ирсэн билээ.

БНХАУ-ын хилийн Эрээн боомтод гурван сар орчим саатсан ачаа тээврийг яаралтай хил нэвтрүүлэх арга хэмжээний хүрээнд халдвар хамгааллын дэглэм сахиулах үүднээс хоёр улсын хилийн голд “0” цэг байгуулсан. Ингэхдээ, чингэлэг тээврээр ачаа барааг нэвтрүүлэх горимд шилжүүлж, тээврийн хэрэгслийн жолооч нарыг хилийн цэрэг, онцгой байдлын байгууллагаас дайчилж нэгдсэн зохион байгуулалтад оруулан ажиллаж байгаа юм.

Дэлгэрэнгүй

Холбоотой нийтлэл

Leave a Reply

Your email address will not be published. Required fields are marked *

Back to top button